1.

啊婶接啊姆，阿姆几时来？来做乜？来斟茶。俾乜斟？俾个银花碗仔斟。银花碗仔有粒沙，大个佬，骑白马；

三呡仔，骑冬瓜。

2.

天井仔，种蔸菜，朝朝剥叶朝朝开，大姐有钱换季仔，小娣读书换季财，冇钱吇打凳仔，有钱吇打轿抬，抬到

门楼狗仔吠，第一鸡啼翻起身，第二鸡啼梳靓辫，第三鸡啼抲拜老爷放死蛇。

3.

天井仔，种兜菜，朝朝剥合朝朝开。大姐绩麻换猪仔，小弟读书望秀才。

4.

藤酸仔，满山红。有人富贵有人穷，有人缆篮去等圩，有人担梆出田中。

田中有个新阿嫂，脱下红裙去薅草。

5.

阿公去插禾，阿婆捡田螺。捡几多？捡三箩。俾箩换米煮，俾箩换柴烧，剩返一箩自家吃。

6.

红粉女，石榴花，

石榴花下晒红裙，翻翻覆覆晒唔着；阿妈爱男唔爱女，左手抱男拨女开。

7.

鸡公仔，尾弯弯，做人媳妇真艰难！几早起身都话晏，眼泪未干下田间。睇到田间有个冬瓜仔，问声安人蒸或

煮？安人话蒸，老爷话煮。蒸蒸煮煮唔中意，拍起枱头骂过朝。三朝打断三条棍，四朝跪烂九条裙。

8.

难呀难，麻篮担水上高山

——

上得快来又跌倒，上得慢来水又冇。

9.

牛呀牛，问你愁唔愁！又要耙田下谷种，又要驶田种芋头。

10.

早耕早锄，耕田好禾。有粘有糯，满处姨婆。