冬至果日一般都会食汤圆，但系五邑地方都系食咸汤圆，吾系甜O既哦！！

而且汤圆有D系包馅O既，有D就吾包，不过汤底都会系咸O既，而且一定会有白萝卜丝

因为实在系好好食，所以前段时间都做左一次黎当晚饭食....一大锅，全食光光！！貌似我D屋企人食饭都吾厉害，但一食呢D其它既杂粮做饭就超食得....

做法都非常简单，快过煮餐饭呀！！

汤底材料： 白萝卜2条（如果大条一条就OK），冬菇10朵，虾米半碗，五花肉半条，腊肉半条，姜片3-4块，葱花半碗左右

汤圆：糯米粉一袋左右（400G一袋），自己钟意O既馅适量，或者唔放馅到得（大部份都系无馅既）

1. 先做汤圆，将糯米粉放左大碗入面，倒入适量既热水（要比较热哦，滚水都得架），但一次唔好落甘多，用筷子将粉同水搅匀，差唔多时，就可以用手去搓啦，只要猜到粉团唔粘手就得啦. 如果太干就要再加D水就OK啦.

粉猜好后就可以分成大小差唔多既小粉团，然后用两只手搓圆就OK；如果包馅，就将小面团搓圆，然后用两只手指公将面团整成碗状再包入馅，收口搓圆就得啦. （我下面整既有大有细，系因为我懒无分细面团，直接用手攞粉就挫，所以.....）

2. 五花肉&腊肉，切片备用（腊肉最好稍为蒸下于切，会比较好切---都唔记得影相），冬菇用手浸软后，就切片；白萝卜切丝（我唔记得影相，但成品可以见到）

3. 先将汤圆煮熟先，水滚就放入汤圆，然后用铲慢慢捞下D汤圆，唔好俾距粘底，得到D汤圆浮起身就得啦！将D汤圆捞起身，稍为过一下冷河，放一边先！（系咪见到D汤圆用小小黄黄地呢，因为我包左蕃薯馅呀)

4. 将锅烧热，加油，先爆香D姜片，放五花肉&腊肉稍为爆香，就加埋D虾米&冬菇片落去一齐爆，爆到D五花稍为出油，闻到D材料O既香味，就放入萝卜丝炒几下，就放入适量O既水（将岩岩浸虾米同冬菇D水都放落去）

5. 煮到D萝卜熟时就放盐调好味，就将汤圆倒入，等到D汤滚返就放入葱花，熄火！OK，可以开动啦！

PS. 如果你钟意食叉烧，可以放叉烧，瑶柱等，反正自己钟意食乜料就放落去就OK。