民谣，是人民群众的文艺作品。它形象地、生动地反映了当时社会情况。
父 母 与 子 女 之 间 的
一
春花李，李树头。阿妈你毋愁！我过两年担得水，再过两年睇得牛。
二
落水仔，讨帽戴，阿妈打，阿婆寨，阿公返来眼睨睨。
三
红粉女，石榴花， 石榴花下晒红裙，翻翻覆覆晒唔着；阿妈爱男唔爱女，左手抱男拨女开。
四
鬼鬼扬，鬼鬼扬。有钱莫讨后来娘！前娘杀鸡留鸡脾，后娘杀鸡留鸡肠。鸡肠挂在杨枝上，想起前娘哭一场！
五
生女要蚀本，出嫁陪嫁妆，枱凳椅桌样样齐，衣裳少点人还讲。生女要蚀本！每逢担节几十元，软糍硬糍几千讲，糖果饼饵箩箩满。男家食得真系爽，女家出钱眼光光。
六
禾雀仔，满天飞。爹在星洲寄信归，劝娘莫养娇娇女：娇娇女，眼前花，好风吹到别人家。
夫 妇 之 间 的
一
“耕田唔好犁，娶着唔好妻——累死我半世。”“反草唔好棍，嫁着唔好君——累死我青春。”
二
前世修斋修得好，今世做到上川佬！阿哥顾家务，阿嫂去掏草。
关 于 睇 牛 仔 的
一
睇牛仔，真崎岖！吃碗冷饭淘清水，眼泪流流亦要去。接转牛绳闹几句，接转犁尾唱木鱼。
二
睇牛仔，真悲哀！衣服褴褛无人陪，主人吃鱼我吃菜。无可奈，睇下身边眼泪来！
三
睇牛仔，睇牛奴，晒处走埋荫处坐。牛仔吃了路边禾，阿叔阿伯唔好闹，等我养大牛仔讲赔禾！
四
打开东，打开西，打开东南西北水唔来。有人落到长江海，无人洒我新宁睇牛仔；有水落到长江渡，无水洒我新宁睇牛奴。