近年社会各界越来越重视传统民间节目，清明、端午等都成为了法定假期。宜家睇嚟，明天既端午节假期天气也会很应节，龙舟水应该会随龙舟而来，户外活动或者无甘方便，不过我地可以利用假期稍作调整。 
  粤语入面有好多俗语同端午有关：
  ①“端午节先嚟拜山——迟唔迟啲。”呢句歇后语既意思系原本要做既事情是否太迟做嘞。系广东，多数地方既风俗系清明前后扫墓，即大概农历三月，端午节已经系农历五月初，呢个时候先去扫墓就真系太迟喇。        ②另有，“端阳有雨是丰年，芒种行雷米满田。”端午落雨，预兆当年多数为丰收年，芒种打雷，粮食亦会丰收。农民辛勤劳作，结合细致观察同比对，编造出呢d通俗易记既民间俗语。我国幅员辽阔，据了解唔同既地方气候唔同，对农作物既影响亦不尽相同。例如新疆天山一带就有“端午无雨是丰年”既相反讲法。
  讲到端午，当然唔少得传统既扒龙舟。关于龙船既俗语唔少，唔知点解都系以恶搞既为主。例如“龙船长，恶出涌。”恶：难既意思。涌：珠江三角洲有潮水长乐既河沟。龙船好长，系河涌入面好难出入。比喻事物过大，转动唔够灵便，或者事情难以解决问题等。龙舟菩萨——水（衰）神。传统龙船既船头都会供奉住神灵，例如从侯王庙、天后庙、关帝庙和洪圣庙请出来既四位菩萨。无论嚟自咩庙都好，距地都隶属水界神灵。水神谐音“衰神”，其实就系话人讨厌、令人讨厌甘解。同理，仲有“龙船棍——顶水（衰）神”。顶：非常，正既意思。此外，“龙船装猪屎——又长又臭。”形容讲野又长又无实质内容而且错漏百出。同北方歇后语“懒婆娘的裹脚布”又遥遥相对。